Salve, pater Salvatoris,
Salve, custos Redemptoris,
Joseph ter amabilis.
Salve, sponse Matris Dei,
Salve, hospes Jesu mei,
Joseph terminabilis.

Jesum oculis vidisti,
Et in brachiis tulisti,
O dulcis felicitas,
Genis genas admovisti,
Oscula dans accepisti,
O felix suavitas.

O mi Joseph, plus amande,
Et prae cunctis honorande,
O flos pudicitiae,
Tibi tanta sors est data,
Quanta nulli est collata
Ab auctore gratiae.

O felicem et beatum,
Custodiri qui est datum
Tuo sub praesidio,
Et qui meruit habere
Te patronum et gaudere
Tuo patrocinio.