Adoro te devote, latens Deitas,
Quæ sub his figuris vere latitas;
Tib se cor meum totum subjicit,
Quia te contemplans totum deficit.

Visus, tactus, gustus in te fallitur,
Sed auditu solo, tuto creditur:
Credo quidquid dixit Dei Filius:
Nil hoc verbo veritatis verius.

In cruce latebat sola Deitas;
At hic latet simul et humnitas:
Ambo tamen credens, atque confitens,
Peto quod petivit latro pœnitens.

Pie pellicane Jesu Domine,
Me immundum munda tuo sanguine,
Cujus una stilla salvum facere
Totum mundum quit ab omni scelere.